Yr Iaith a Diwylliant Gymreig ym Mro Teifi
Y Gymraeg ydy prif gyfrwng holl fywyd a gwaith Ysgol Bro Teifi gyda’r nod o sicrhau bod pob disgybl yn medru’r ddwy iaith yn drylwyr hyd at eithaf ei allu / gallu erbyn gadael yr ysgol. Cyflwynir Saesneg i ddisgyblion yn y cwricwlwlm pan mae'r disgybl yn 7 mlwydd oed. Mae Ysgol Bro Teifi yn gweithredu ar yr amcanion canlynol:
- sicrhau bod pob disgybl yn datblygu’n naturiol yn y ddwy iaith.
- meithrin ymwybyddiaeth a balchder yn niwylliant, traddodiadau ac etifeddiaeth Cymru ymysg ein disgyblion a fydd yn sail i ehangu eu gorwelion, eu gwybodaeth a’u hymwybyddiaeth o gydberthynas Cymru ag Ewrop a’r byd.
- galluogi ein disgyblion i gynnig am swyddi lle mae'r Gymraeg yn angenrheidiol neu'n fanteisiol.
Ar gyfer disgyblion oed cynradd, mae ein canolfannau iaith yn cynnig cyfleoedd trochi hwyr i i helpu’ch plentyn i ddysgu Cymraeg mewn amser byr ac yna bydd eich plentyn yn barod i gario ymlaen gyda’i addysg yn y Gymraeg. Gallwch chi ddewis addysg cyfrwng Cymraeg i’ch plentyn ar bwynt mynediad hwyrach fel eu bod yn medru cael mynediad i addysg cyfrwng Cymraeg yn yr Uwchradd wrth drosglwyddo i flwyddyn 7. Gwneir hyn drwy gyfuniad o raglenni trochi a gloywi/carlam.
Gwybodaeth Dan Sylw
